ലീഗ് മന്ത്രിമാരെ പുറത്താക്കണം -ബി.ജെ.പി

കോഴിക്കോട്: മാറാട് കലാപ ഗൂഢാലോചന കേസിന്റെ പ്രതിപ്പട്ടികയില്‍ മുസ്ലിംലീഗിന്റെ ഉന്നത നേതാക്കള്‍ ഉള്‍പ്പെട്ട സാഹചര്യത്തില്‍ ലീഗ് മന്ത്രിമാരെ മന്ത്രിസഭയില്‍നിന്ന് പുറത്താക്കാന്‍ മുഖ്യമന്ത്രി ആര്‍ജവം കാണിക്കണമെന്ന് ബി.ജെ.പി ജില്ലാ പ്രസിഡന്റ് പി. രഘുനാഥ് ആവശ്യപ്പെട്ടു.

കേസിന്റെ എഫ്.ഐ.ആര്‍ പുറത്തുവന്നതോടെ,
ഗൂഢാലോചന കേസിലെ അന്വേഷണ ഉദ്യോഗസ്ഥനെ മാറ്റിയത് ലീഗ് നേതാക്കളെ രക്ഷിക്കാനാണെന്ന് വ്യക്തമായിരിക്കയാണ്. മാറിമാറി ഭരിച്ച ഇരുമുന്നണികളും ലീഗ് നേതാക്കളെ സംരക്ഷിക്കുകയാണ്. ഇനിയെങ്കിലും കേസ് സി.ബി.ഐക്ക് വിടാന്‍ സര്‍ക്കാര്‍ നടപടിയെടുക്കണം. ഇല്ലെങ്കില്‍ ശക്തമായി പ്രതികരിക്കുമെന്ന് അദ്ദേഹം മുന്നറിയിപ്പു നല്‍കി.