കോഴിക്കോട്: ലീഗ് നേതാവ് പി വി അബ്്ദുല്‍ വഹാബ്, ഡോ. ഫസല്‍ ഗഫൂര്‍ തുടങ്ങി 268 പേരുടെ ഫോണും ഇ-മെയിലും ചോര്‍ത്താന്‍ ഉത്തരവിട്ട മുഖ്യമന്ത്രി ഉമ്മന്‍ചാണ്ടി സ്ഥാനം രാജിവെക്കണമെന്ന് നാഷനല്‍ സെക്കുലര്‍ കോണ്‍ഫറന്‍സ് സംസ്ഥാന പ്രസിഡന്റ് അഡ്വ. പി ടി എ റഹിം എം.എല്‍.എ ആവശ്യപ്പെട്ടു. ഒരു പ്രത്യേക സമൂദായത്തില്‍ പെട്ടവരുടെ രഹസ്യങ്ങള്‍ ചോര്‍ത്താനുള്ള ഗൂഡാലോചന നടന്നത് മുഖ്യമന്ത്രിയുടെ നേതൃത്വത്തിലാണെന്നത് ഞെട്ടലുളവാക്കുന്നു. കേരള ചരിത്രത്തില്‍ കേട്ടുകേള്‍വി പോലുമില്ലാത്ത ഈ സംഭവത്തിനു പിറകിലെ ഗൂഡാലോചന പുറത്ത് കൊണ്ടു വരുന്നതിന് സി.ബി.ഐ അന്വേഷണം നടത്തണമെന്നും അദ്ദേഹം പറഞ്ഞു.
സമുദായങ്ങള്‍ക്കിടയില്‍ സംശയത്തിന്റെ വിത്തു പാകുന്നതിന് ഇടയാക്കുന്നതുമായ രഹസ്യം ചോര്‍ത്തല്‍ നീക്കത്തിന് ഉത്തരവാദിയായ ഉമ്മന്‍ചാണ്ടിക്കുള്ള പിന്തുണ പിന്‍വലിക്കാന്‍ മുസ്്ലിം ലീഗ് നേതൃത്വം ആര്‍ജവം കാണിക്കണമെന്നും അദ്ദേഹം ആവശ്യപ്പെട്ടു.
സമുദായങ്ങള്‍ക്കിടയില്‍ സംശയത്തിന്റെ വിത്തു പാകുന്നതിന് ഇടയാക്കുന്നതുമായ രഹസ്യം ചോര്‍ത്തല്‍ നീക്കത്തിന് ഉത്തരവാദിയായ ഉമ്മന്‍ചാണ്ടിക്കുള്ള പിന്തുണ പിന്‍വലിക്കാന്‍ മുസ്്ലിം ലീഗ് നേതൃത്വം ആര്‍ജവം കാണിക്കണമെന്നും അദ്ദേഹം ആവശ്യപ്പെട്ടു.
