നഗരത്തിലെ
കലാസ്വാദകര്‍ക്ക് ദൃശ്യശ്രാവ്യ വിസ്മയങ്ങളൊരുക്കി മറ്റൊരു 'മലബാര്‍
മഹോത്സവം' കൂടിയെത്തുന്നു. ഈ വര്‍ഷത്തെ മലബാര്‍ മഹോത്സവത്തിന് വ്യാഴാഴ്ച
തുടക്കം കുറിക്കും. വൈകിട്ട് ബീച്ച് ഓപ്പണ്‍ സ്റ്റേജില്‍ നടക്കുന്ന
ചടങ്ങില്‍ മന്ത്രി എ.പി. അനില്‍കുമാര്‍ ഉദ്ഘാടനം നിര്‍വഹിക്കും. 26-നാണ്
സമാപനം. പ്രധാനവേദിയായ ബീച്ച് ഓപ്പണ്‍സ്റ്റേജിനു പുറമെ, സ്‌പോര്‍ട്‌സ്
കൗണ്‍സില്‍ ഹാള്‍, മോഡല്‍ സ്‌കൂള്‍ ഗ്രൗണ്ട്, തളി പൈതൃകം ഓപ്പണ്‍സ്റ്റേജ്,
സരോവരം ഓപ്പണ്‍സ്റ്റേജ് എന്നിവിടങ്ങളിലും പരിപാടികള്‍ നടക്കും.
കലാപരിപാടികള്‍ക്കുപുറമെ സാഹിത്യസമ്മേളനം, നാടന്‍ പരമ്പരാഗത കലോത്സവം,
നാടകോത്സവം എന്നിവയും ഉണ്ടായിരിക്കും.1993-ലാണ് ആദ്യമായി മലബാര്‍ മഹോത്സവം ആഘോഷിക്കുന്നത്. അന്നത്തെ ജില്ലാ കളക്ടറായിരുന്ന അമിതാഭ് കാന്തായിരുന്നു മലബാര്‍ മഹോത്സവം എന്ന ആശയം മുന്നോട്ടുവെച്ചത്. തുടര്‍ന്നുള്ള വര്‍ഷങ്ങളില്‍ പ്രശസ്തരായ കലാകാരന്മാര്‍ മലബാര്‍ മഹോത്സവത്തില്‍ പങ്കെടുത്തിട്ടുണ്ട്.
No comments:
Post a Comment