എ.ഡബ്ല്യു.എച്ച്. റിസീവറെ ഉപരോധിച്ചു

കോഴിക്കോട്: ക്ലാസുകള്‍ മുടങ്ങുന്നതില്‍ പ്രതിഷേധിച്ച് കുറ്റിക്കാട്ടൂര്‍ എ.ഡബ്ല്യു.എച്ച്. എന്‍ജിനീയറിങ് കോളേജ് വിദ്യാര്‍ഥികള്‍ സ്ഥാപനത്തിന്റെ റിസീവറെ ഉപരോധിച്ചു. റിസീവര്‍ കെ.എന്‍. നമ്പൂതിരിയുടെ തൊണ്ടയാട്ടുള്ള വീട്ടിലായിരുന്നു ഉപരോധസമരം. രാത്രി ഒമ്പതുവരെ ഉപരോധം നീണ്ടു. എസ്.എഫ്.ഐ. യൂണിറ്റിന്റെ നേതൃത്വത്തിലായിരുന്നു സമരം.

കോളേജിലെ അധ്യാപക സമരത്തെത്തുടര്‍ന്ന് ഒരുമാസമായി അധ്യയനം മുടങ്ങിക്കിടക്കുകയാണ്. ഇതേത്തുടര്‍ന്ന് ഭാവി അവതാളത്തിലായതാണ് വിദ്യാര്‍ഥികളെ സമര രംഗത്തെത്തിച്ചത്.